Treinador Português Lidera Boavista fc Timor Leste

Ekipa Kampiaun Primeira Divisaun Liga Futebol Amadora (LFA) epoka 2018, Boavista fc Timor Leste, hatudu duni ambisaun atu defende nafatin titlu kampiaun nebe'e hetan iha tinan kotuk. Hafoin kontrata ho jogadores nain tolu husi Brazil, manajamentu ekipa refere diside hodi kontarata eis treinador selesaun nasional Myanmar, Fabiano Flora, nebe'e media desportu husi nasaun ne'e bolu nia ho naran 'Mourinho husi Myanmar'.
Treinado...r ho nasionalidade Português ne'e oras ne'e dadun kaer Sertifikadu Profesional UEFA grau 'A' nebe'e maka halao ona nia kareira hanesan treinador hafoin hetan esperensia husi ekipa kuhesidu iha europa hanesan, Academica, Lazio, Juventus, PSG, MU, SLB Benfica, e sai mos treinador prinsipal iha Klube Primeira Divisaun Myanmar, nomos Selesaun Nasional Myanmar nian, nebe'e foin lalais iha jogu kualifikasaun faze grupu AFC cup sub 23 nian, manang ekipa Timor-Leste ho skoru 7-0.
Treinador nebe'e iha fulan maio nee sei kompleta nia idade ba tinan 34, to'o ona iha Timor Leste iha semana ne'e no halao ona treinu hamutuk ho equipa Boavista fc antis halao jogu amigavel kontra Bali United iha Bali, sabadu semana ne'e. (LFA)