ANDY SUSANTO: "PLANTEL JOGADOR ACADEMICA FC SIDAUK KOMPLETU"

Treinador Academica Fc Andy Susanto hatete, klubu Academica Fc iha ona preparasaun masimu, hodi bele atinji tuir tarjetu ne'ebe aseita ona entre nia ho dirijente klubu. Ne'e dunik hanesan treinador nia sempre On Time hodi prepara jogador, atu nune'e bele atinji tuir tarjetu klubu nian, hodi nune'e bele hasae prestasaun no kualidade jogador iha kompetisaun liga futebol amadora nian ba epoka 2019.
Andy hatutan, konaba... tarjetu jogador agora dadaun seidauk atinji to 100%, tanba jogador sira ne'ebe halo preparasaun hamutuk ho sira sei tuir selesaun, ne'e dunik sira liu maka foin hamutuk ho Academica Fc, hodi kompete iha epoka 2019 LFA.
"Hanesan treinador hau nafatin kolabora hodi fo orientasaun ba jogador sira, hodi nune'e wainhira sira iha ekipa ida bele konese taktika no jogu saida maka sira atu implementa iha kampo, hodi hasoru sira nia adversariu" dehan Andy.
Nia sublinha katak, hosi numeru jogador ne'ebe iha sufisiente ona, maibe ba pozisaun importante iha kampo laran hanesan Medio no Avansadu seidauk sufisiente. Tanba ne'e oras ne'e dadaun sira esforsu hela hodi buka tan jogador ba pozisaun rua refere.
Andy akresenta katak, konaba preparasaun ne'e rasik sei termina iha tempu badak, antes janela transferensia taka.
Tanba iha faze jogu primeiru volta Academica Fc sei kompete ho jogador ne'ebe maka agora iha i depois hosi ne'e maka foin bele halo avaliasaun hodi prepara diak liu tan jogador iha jogu segundu volta.
"Hau sujere ona jogador balun ba klubu i parte klubu mos prontu hodi aseita tuir desizaun hau nian ba jogador ne'ebe hau sei propoin, ne'e dunik ba jogador estrangeirus hau propoin hamutuk nain 3, ba pozisaun hanesan Avansadu no Medio inklui Defesa Central. Maibe ba jogador sira ne'e hau sei estuda liu tan, konaba sira nia performens iha kampo laran no unidade ekipa. Ne'e dunik emprinsipiu hosi selesaun maka sei termina sira" imforma Treinador Academica Fc. (LFA/Abl).