ANTONIO TIMOTIO KOMANDA HIKAS KARKETU DILI FC

Asistenti Treinador Karketu Dili Fc, Antonio Timotio, hetan fiar hikas husi manajamentu klube atu asumi hikas k'nar nudar Treinador prinsipal ba klubu kampiaun Primeira Divisaun epoka 2017.
"Antes ne'e iha epoka dala rua liu ba, hau assumi k'nar hanesan assisten treinador ba Treinador Simont no Treinador Arcan Yuriu. Maibe iha epoka ida ne'e, hau hetan fali fiar hosi klubu, hodi sai Treinador prinsipal ba Karketu Dili Fc," esplika... Timotio ba media LFA wainhira dada lia iha Fatin Fitnes Vaganza.
Timotio hatutan, hanesam Treinador nia sei esforsu masimu para nia ekipa bele hatudu rejulta diak, maibe situasaun hotu depende hosi preparasaun ne'ebe maka agora iha inklui sorti, tanba faktor keberuntungan mos sai determinasaun. Maibe nia sei nafatin esforsu masimu para bele lori Karketu Dili Fc hetan rejultadu diak iha epoka ida ne'e.
Tanba hanesan Treinador nia sempre iha mehi bo'ot, atu lori nia ekipa sai Kampiaun Liga Futebol Amadora ba epoka 2019, akresenta Timotio. (LFA/Abl).