NOS SELEKSHON NASHONAL TA NA BAHRAIN PA KUMINSÁ KU E PREPARASHONNAN PA NOS 2 PARTIDONAN DI FOGEO! E 21 HUNGADÓNAN DI NOS SELEKSHON TA KONOSÍ! Preparashonnan ta kontinuá pa e 2 partidonan di fogeo di nos selekshon kontra Bahrain i tambe New Zealand. Nos selekshon a sali pa Bahrain djasabra último pa asina kuminsá prepará pa nos próksimo kompromisonan. Nos entrenadó interino Sr. Patrick Kluivert huntu ku su staf a saka e lista di 21 hungadó ku lo enfrentá Bahrain, e pais anfitrion, dia 6 di òktober binidero pa despues nos topa New Zealand dia 9 di òktober aya na Bahrain. Ámbos partido lo tuma lugá 12’or di mèrdia, orario di Kòrsou. Elista aki ta konsistí di 21 hungadó i e numerashon ta nan number di kamiseta. Mañan mainta 9’or Bahrain lo tene un konferensia di prensa pa duna mas informashon tokante e partidonan aki. Keda pendiente pa mas informashon…