...

eld awa to Annie; The time flew by, wi' tentless heed; Till, 'tween the late and early, Wi' sma' persuasion she agreed To see me thro' the barley. Corn rigs, an' barley rigs, An' corn rigs are bonie: I'll ne'er forget that happy night, Amang the rigs wi' Annie. The sky was blue, the wind was still, The moon was shining clearly; I set her down, wi' right good love, Amang the rigs o' barley: I ken't her heart was a' my ain; I lov'd her most sincerely; I kiss'd her owre and owre again, Amang the rigs o' barley. Corn rigs, an' barley rigs, An' corn rigs are bonie: I'll ne'er forget that happy night, Amang the rigs wi' Annie. I lock'd her in my fond embrace; Her heart was beating rarely: My blessings on that happy place, Amang the rigs o' barley. But by the moon and stars so bright, That shone that night so clearly! She ay shall bless that happy night Amang the rigs o' barley. Corn rigs, an' barley rigs, An' corn rigs are bonie: I'll ne'er forget that happy night, Amang the rigs wi' Annie. I hae been blythe wi' comrades dear; I hae been merry drinking; I hae been joyfu' gath'rin gear; I hae been happy thinking: But a' the pleasures e'er I saw, Tho' three times doubl'd fairly -- That happy night was worth them a', Amang the rigs o' barley. Corn rigs, an' barley rigs, An' corn rigs are bonie: I'll ne'er forget that happy night, Amang the rigs wi' Annie. ---------------------------------- Based on an early poem by the Scottish poet Robert Burns, performed here by Ossian and found on their album Seal Song (Iona Records IR002, 1981) Billy Jackson (harp, Uillean Pipes, whistle, vocals), George Jackson (cittern, guitar, flute, whistle), John Martin (fiddle, cello, whistle, vocals), Tony Cuffe (vocals, guitar, whistle, tiple)