Cuchulainn part one
Uploader: Manx Language
Original upload date: Sun, 17 Feb 2013 01:00:00 GMT
Archive date: Wed, 24 Nov 2021 21:03:48 GMT
The first episode of five about the life of Cuchulainn, with thanks to BBC Northern Ireland for permission to redub them into Manx. Script below (click on 'Show more'). For the series in English and i
Show more...
n Irish, visit bbc.co.uk/irish
CUCHULAINN Episoyd 1 -- Gaase
Shaner: Jeeagh shiu! Urley t'ayn. Ny foddee dy re chaghter veih ny jeeghyn eh.
Guilley: Vel shoh ass ny shenn skeealyn ayds, Haner?
'
Neen: Immee royd, Haner. Insh dooin skeeal -- skeeal as urley aynjee.
Shaner: Well, ta skeeal aym oddins insh diu. Skeeal elley ee mychione Cuchulainn, Coo yn Ullee.
Guilley: Dinsh oo dooin dy row eh Setanta.
Shaner: Shen kiart, as tra v'eh mysh yn eash ayd, haink toshiaght e chontoyrtyssyn. S'mie va bea Setanta choud's v'eh gaase. Ghow Deichtire as Sualtaim kiarail jeh, as daase eh liauyr as lajer, maynrey as seyr. Cha row veg ry-laccal echey. Dagh laa, dagh ooilley laa, v'eh cloie ayns ny sleityn as keylljyn mygeayrt y thie echey.
'
Neen: Agh cre mychione scoill . . . as row caarjyn erbee echey?
Shaner: Cha jagh eh gys scoill -- smooinee er shen! Agh va ymmodee caarjyn echey.
Fiorag: Hoi, Setanta, foshil shoh er my hon!.
Setanta: As moghrey mie dhyts, neesht.
Urley: T'ou jeeaghyn treih, my charrey aeg.
Setanta: Cha nee treih, agh . . .
Urley: Agh?
Setanta: Well, ta mee sheiltyn dy lhisin jannoo reddyn elley. Dy lhisin goll gys boayl ennagh. Ta red ennagh cur eam orrym, agh, cha s'ayms c'red t'eh.
Urley: She dty chronney ta cur eam ort, as ta'n traa er jeet dy chur freggyrt da. Dinsh mee dhyt ymmodee keayrtyn dy vel uss dy ghuilley er-lheh, as dy vel sym mooar ort ec yn jee mooar, Lugh. Ta'n traa er jeet dy faagail thie, as dy gholl gys Emhain Macha, raad nee oo ynsaghey bea ny fir chaggee.
Guilley: Cre ta scanshoil mychione Emhain Macha, Haner?
Shaner: She plaase Connor Mac Nessa va Emhain Macha, as shen yn boayl hie fir chaggee yn Ullee dy trainal.
'
Neen: Agh cre mychione Deichtire as Sualtaim? C'red v'adsyn coontey jeh goll ersooyl?
Deichtire: Agh t'ou foast ro aeg, Setanta. As cho foddey voin as ta Emhain Macha.
Setanta: Ta my hraa er jeet. Nagh obb dou goll. Te scruit er my hon.
Shaner: Myr shoh, yn laa er-giyn, hie Setanta my hwoaie er ny cruink gys Emhain Macha. Dymmyrk eh bit dy vee ayns poagey, as e chammag as e chrig. Cha row eh foddey goll y raad. As tra hass eh er y chronk erskyn Emhain Macha, va'n fuill bwoailley ayns e chuishleeyn. Honnick eh feedyn dy ghuillyn, cloie as trainal ayns ny magheryn fo. Cha row niart echey er. Hass Setanta dy dunnal. Agh vishee yn feiyr, dy daink eh gys cleayshyn Connor Mac Nessa, Ree yn Ullee, as Fergus, fer jeh ny toshee echey.
Connor: Immee as fow magh ny ta goll er.
Shaner: Myr shoh hie Fergus dys yn vagher as ghow eh Setanta veih mastey ny guillyn, as hug eh lesh eh er-ash gys yn Ree.
Connor: As quoi uss?
Setanta: Setanta mish. Ta mee er jeet dy ynsaghey ellynyn as schlei ny fir chaggee.
Connor: Setanta. Hmm. She my huyr, Deichtire, ta dty voir, as ta dty ayr . . . Myr shoh, sailt trainal dy ve dty fer chaggee . . .
Setanta: She my chronney eh.
Connor: Kiart dy liooar, eisht. Shen eh, shen myr bee eh. Agh shegin dhyt cochiangley oo hene rish ny guillyn mygeayrt y mood, dy hirveish orroo.
Setanta: Er conaant dy jean adsyn shirveish orrym's neesht!
Shaner: As shen yn aght haink Setanta gys sheshaght ny fir chaggee.
'
Neen: Myr shoh, jagh eh gys scoill, ny yei?
Shaner: Oddagh oo gra shen, kiart dy liooar.
Guilley: Row e ennym caghlaait yn traa shen?
Shaner: Cha row eh ec yn traa shen. Agh shen skeeal son laa elley . . .