* SLB Sei Hatudu Jogu Bonitu Hasoru Ultramar

*Asistente Treinador Ultramar garante sei fo vitoria ba nia ekipa

Treinador AD SLB Juliao Monteiro hatete, sira sei hatudu preformes jogu ne'ebe bonitu bainhira hasoru Atletico Ultramar iha jogu Liga Futebol Amadora (LFA) ne'ebe sei halao iha estadiu Munisipal Dili, (04/05)....
"Iha tinan kotuk ami lakon ho Utramar iha kopa 12 mais aban ami sei hatudu jogu ne'ebe diak nune'ebe hetan rejultadu diak," tenik Juliao ba media sira liu hosi konferensia imprensa ne'ebe halao iha salaun Xanana Sport Centre, Sesta (03/05).
Tanba ne'e formatu SLB nian ba jogu refere sei forma ho 4, 4, 2.
Iha fatin hanesan treinador Ultramar Francisco da Costa konfesa katak, 100% nia garantidu Utramar sei hetan rejultadu ne'ebe diak iha jogu ne'ebe mak sei halao maski preparasaun klubu nian minimu kompara ho klubu seluk.
"Hau garante aban ne'e sei hatudu rejultadu pozitivu ba hau nia ekipa," tenik Francisco.
Enkuantu kona ba formatu ne'ebe ultramar sei uza iha aban, treinador ne'e dehan sei segredu. Lfa/htc)