DALAN BA LIGA FUTEBOL AMADORA EPOCA 2018
ARCAN IURIE: "LAIHA EKIPA IDA MAKA LAKOI ATU SAI CAMPEÃO SATAN DEGRADA"
*Fonseca, Rofino, Engki no Ato reforsa
... Treinador foun ba Ekipa Campeão Primeira Divisaun Epoca 2017, Karketu Dili Fc, Arkan Iurie hateten katak laiha ekipa ida maka lakoi atu sai hanesan Campeão iha kualker kompetisaun ida.
"Hau hanoin laiha ekipa ida maka lakoi sai camleão iha kualker kompetisaun ida satan tengki degrada. Tamba nee maka hau sei isforsu an tomak hamutuk ho jogador sira hodi bele realija mehi nee," katak Iurie ba jornalista sira hafoin asina kontratu nomos lansamentu ba jogador foun ho Prezidente Karketu Jose Adilson Ribeiro iha Edifisio Eto, Segunda (29/1/18).
Treinador ho nasionalidade Moldova nee hatutan liutan katak ho Grasa Maromak nian ita hotu sei husu Nia tulun atu akompanha ekipa nee iha kada jogu. "Hau hanoin ho Grasa Maromak nomos ekipa tomak maka hau isforsu an tomak hodi lori ekipa nee sai hanesan ekipa nebeke diak tuir ita hotu nia hakarak liu2 adeptus Karketu Dili iha nebe deit" katak nia.
Alende nee Managamentu klube refere asina mos kontratu jo jogador hanesan Jose Fonseca, Fransyatma Kefi no Rofino Gama husi cacusan fc, no Juvito Correa husi Carsae fc hodi reforsa ekipa refere iha epoca tinan nee. (LFA)
