BALITA: Naging matagumpay ang isinagawang inspection trip ng Philippine National Railways (PNR) mula Tutuban, Maynila patungong Camarines Sur at pabalik.

Umalis ang tren sa Tutuban nitong ika-20 ng Setyembre patungong Camarines Sur at nakabalik ika-23 ng Setyembre 2019. Binagtas nito ang Maynila; San Pablo sa Laguna; Lucena City sa lalawigan ng Quezon; at Sipocot, Naga City at Iriga City sa Camarines Sur.

Tumagal nang 12 oras at 44 na minuto ang biyahe mula Naga City hanggang... Tutuban, tatlong oras na mas mabilis kaysa sa normal na biyahe para sa naturang ruta.